Meron akong mukha
Meron akong salamin.
Meron akong mukha sa salamin.
Mukha ng salamin ay meron ako
Ngunit salamin ng mukha at wala ako.
Kung kaya’t paano ko isasalamin ang mukha
Kung di ko mamukhaan ang salamin.
Pahiram ng salamin
Pahiram ng mukha
Pahiram ng sasalamining mukha.
Salaming para sa mukha ay wala ako
Subalit mukhang para sa salamin ay meron ako.
Kung kaya’t paano ko ipamumukha sa salamin
Kund di ko maisasalamin ang mukha.
Meron akong mukha
Pahiram ng salamin.
Meron akong salamin
Pahiram ng mukha
Pero paano pa ako mananalamin
At mamumukhaan,
Kung basag na ang salamin
Wala na akong mukha?
No comments:
Post a Comment